बागमती प्रदेश पत्रकारिता पुरस्कार: मकवानपुरका पत्रकारद्वय अधिकारी र बिष्ट सम्मानित

हेटौँडा। गणतन्त्र दिवसको अवसरमा बागमती प्रदेश सरकारले प्रदान गर्ने 'पत्रकारिता पुरस्कार–२०८३' बाट मकवानपुरका दुई जना पत्रकार सम्मानित भएका छन् ।

प्रदेश सरकारले यस वर्षको खोज पत्रकारिता पुरस्कार र विकास पत्रकारिता पुरस्कार मकवानपुरलाई कार्यक्षेत्र बनाएर क्रियाशील पत्रकारहरूलाई प्रदान गरेको हो ।

पुरस्कृत पत्रकारहरू खोज पत्रकारिता पुरस्कार–२०८३: पत्रकार पोस्टराज अधिकारी 'कुमार' (पुरस्कार राशि: रु. ५० हजार) र विकास पत्रकारिता पुरस्कार–२०८३: पत्रकार सुनिता बिष्टले (पुरस्कार राशि: रु. ५० हजार)  प्राप्त गरेको हो ।

बागमती प्रदेशको राजधानी हेटौँडामा आयोजित एक विशेष समारोहका बीच उनीहरूलाई जनही नगद ५० हजार रुपैयाँ राशिसहित सम्मान पत्रद्वारा पुरस्कृत गरिएको हो ।

 

विगत लामो समयदेखि पत्रकारिता क्षेत्रमा आबद्ध रहेर समाजको रूपान्तरण, सुशासन र विकासका पक्षमा कलम चलाउँदै आएका कारण उनीहरूलाई उक्त पुरस्कार प्रदान गरिएको प्रदेश सरकारले जनाएको छ । यस सम्मानले मोफसलको पत्रकारिता क्षेत्रलाई थप ऊर्जा र हौसला मिल्ने विश्वास लिइएको छ ।