नेपाल तामाङ घेदुङ कोरिया जेजुदो शाखाको अधिवेशन सम्पन्न, अध्यक्षमा विमल तामाङ 

नयाँ कार्यसमितिमा वरिष्ठ उपाध्यक्षमा प्रतिज्ञा लामा, उपाध्यक्षमा गंगा ब्लोन तामाङ, महिला उपाध्यक्षमा ऋचा ब्लोन चयन भएका छन् । महासचिवमा प्रतिक तामाङ, सचिवहरूमा सानुमाय तामाङ र विमान सिं तामाङ, कोषाध्यक्षमा विन्दर ब्लोन तामाङ तथा सह–कोषाध्यक्षमा युन्मी तामाङ चयन भएका छन् । त्यसैगरी सदस्यहरूमा सञ्जय कुमार लामा, सुनिल कुमार वाइबा, वान्छेन तामाङ, ममता मोक्तान, सन लामा, गोबिन तामाङ, सबिता तामाङ र पुजा ब्लोन रहेका छन् ।

तत्कालिन अध्यक्ष सुनिता ब्लोनको अध्यक्षतामा सम्पन्न अधिवेशनमा नेपाल तामाङ घेदुङ, दक्षिण कोरियाका अध्यक्ष राजकुमार स्याङतान प्रमुख अतिथि रहेका थिए । अन्तर्राष्ट्रिय तामाङ परिषद्का सचिव शुभराज भोम्जनको विशिष्ट आतिथ्य रहेको कार्यक्रममा तामाङ घेदुङ कोरियाका उपाध्यक्ष गणेश योञ्जन तामाङ, आदिवासी जनजाति महासंघ जेजुदो शाखाका कार्यवहाक अध्यक्ष दिल मगर, गैरआवासीय नेपाली संघ जेजुदो शाखाका अध्यक्ष गोकुल शर्मा, घेदुङ जेजुदोका संस्थापक अध्यक्ष अनिता रुम्बा, किरात याक्थुङ चुम्लुङ जेजुदोकी अध्यक्ष सुस्मा लिम्बू, तामाङ घेदुङ बुशान शाखाका अध्यक्ष धनराज तामाङ, अभियन्ता सुमन हाङ्ह्रोङलगायत विभिन्न जातीय तथा क्षेत्रीय संस्थाका अध्यक्ष एवं प्रतिनिधिहरूको विशेष उपस्थिति रहेको थियो । निर्वाचन मण्डल प्रमुख अनिता रुम्बाले निर्वाचित कार्यसमितिलाई सपथ ग्रहण गराएकी थिइन् ।