हेटौंडामा पर्यटन मन्त्रीको प्रमुख आतिथ्यमा विशेष कार्यशाला गोष्ठी हुने

हेटौंडा/मकवानपुरको हेटौंडामा संस्कृति र पर्यटन विकासका लागि सहकारीको भूमिका विषयक एक महत्त्वपूर्ण सम्मेलन तथा कार्यशाला गोष्ठी आयोजना हुने भएको छ। महिला विकास सहकारी संस्था लि., नुवाकोटको आयोजनामा हुन लागेको यस कार्यक्रममा संस्कृति तथा पर्यटन मन्त्री माननीय सुरेश श्रेष्ठ प्रमुख अतिथिको रूपमा सहभागी हुनुहुनेछ।

कार्यक्रमका मुख्य आकर्षणहरू:

• विषय: "संस्कृति र पर्यटन विकासमा सहकारीता: कृषि, वन र उद्योग क्षेत्रमा सम्भाव्यता, अवसर र चुनौतीहरू"।

• मिति र समय: २०८३ साल जेठ ७ गते, बिहान ९:०० बजे।

• स्थान: रोयल पार्टी प्यालेस, हेटौंडा–४, मकवानपुर (हल नं. सी)।

यस कार्यक्रमलाई सफल पार्न समृद्ध नेपाल कृषि सहकारी संस्था लि. (काभ्रे), सुप्रिति बचत तथा ऋण सहकारी संस्था लि. (हेटौंडा) र होटल ब्रान्ड प्रा.लि. (हेटौंडा–१०) ले सह–आयोजकको रूपमा प्राविधिक तथा व्यवस्थापकीय सहयोग गरिरहेका छन्।

संस्थाकी अध्यक्ष तुलसा रिमालका अनुसार, यस गोष्ठीले कृषि, वन र पर्यटन क्षेत्रमा रहेका अवसरहरूलाई सहकारीमार्फत कसरी प्रवर्द्धन गर्न सकिन्छ भन्ने विषयमा ठोस छलफल गर्ने उद्देश्य राखेको छ। कार्यक्रममा सहभागी भई शोभा बढाइदिन आयोजकले सबैमा हार्दिक निमन्त्रणा गरेको छ।  कार्यक्रम बारे 9867844696 र 9845071699 मा जानकारी लिन सक्नु हुनेछ ।