मनहरीमा 'मूल्य पारदर्शिता सप्ताह-२०८३' भव्य रूपमा मनाइँदै, ६ बुँदे विशेष अनुरोध जारी

मनहरी । मनहरी गाउँपालिकाले 'मूल्य पारदर्शिता सप्ताह-२०८३' लाई भव्य रूपमा सफल पार्न गाउँवासी तथा व्यवसायीहरूमा विशेष अपील गरेको छ। गाउँ कार्यपालिकाको कार्यालय, रजैयाले एक सार्वजनिक सूचना जारी गर्दै सुशासनको महा-अभियानमा सहभागी हुन ६ बुँदे मार्गदर्शन सार्वजनिक गरेको हो।

गाउँपालिकाले जारी गरेको मुख्य बुँदाहरू यस प्रकार छन्:

• मूल्य सूची अनिवार्य: प्रत्येक पसल वा व्यवसायले उपभोक्ताले सजिलै देख्ने गरी वस्तु वा सेवाको स्पष्ट मूल्य सूची अनिवार्य रूपमा राख्नुपर्ने।

• बिलको प्रयोग: वस्तु वा सेवा खरिद-बिक्री गर्दा अनिवार्य रूपमा बिल लिने र दिने बानी बसाल्न आग्रह गरिएको छ। पालिकाले बिल दिनु व्यवसायीको दायित्व र बिल माग्नु उपभोक्ताको अधिकार भएको स्पष्ट पारेको छ।

• गुणस्तर र मितिमा ध्यान: सामान खरिद गर्दा मूल्य, तौल, गुणस्तरका साथै उत्पादन र उपभोग मिति अनिवार्य रूपमा हेर्न अनुरोध गरिएको छ।

• उजुरी प्रक्रिया: खरिदका क्रममा मूल्य, तौल वा गुणस्तरमा ठगिएको पाइएमा तत्काल मनहरी गाउँपालिका, जिल्ला प्रहरी कार्यालय, उद्योग वाणिज्य कार्यालय वा उपभोक्तावादी संस्थामा निवेदन दिन सूचित गरिएको छ।

•  

सुशासन प्रवर्द्धनका लागि सचेत नागरिकको कर्तव्य निर्वाह गर्न समेत गाउँपालिकाले सबैमा आग्रह गरेको छ। यो अभियानले बजारमा पारदर्शिता ल्याउने र उपभोक्ताको अधिकार सुरक्षित गर्ने विश्वास लिइएको छ।