नेपाल राष्ट्र बैंकले आर्थिक पत्रकारहरूका लागि आयोजना गरेको कार्यक्रममा गभर्नर पौडेलले यस्तो बताएका हुन्।
'अहिले बैंकहरूले राष्ट्र बैंकमा नौ सय अर्ब पैसा पार्क गरिरहेका छन्, हामीले निश्चित प्रतिशत ब्याजदर दिएर त्यसको व्यवस्थापन गरिरहेका छौं,' गभर्नर पौडेले भने,'सरकारले कुन क्षेत्रमा यो पुँजी बगाउने (परिचालन) गर्ने भन्ने उद्देश्यले वातावरण बनाउनु पर्छ।'
यसअघि सरकारले जलविद्युत क्षेत्रमा कर छुट लगायतका व्यवस्था गरिदिएको कारण नै अहिले यो क्षेत्र बढेको स्मरण गराउॅंदै अब पनि त्यस्तै केही क्षेत्र पहिचान गरेर सरकार अगाडि बढ्नुपर्ने बताए।
उनले अब आउने सरकारले यस विषयमा केही न कही सोच बनाएर अगाडि बढ्ने विश्वास व्यक्त गरे।
गभर्नर पौडेलले इरान इसराइलबीचको द्वन्द्वले तत्कालै असर नदेखिए पनि यो द्वन्द्व कति लामो समय जान्छ भन्ने अनिश्चित भएकोले विभिन्न समस्या आउन सक्ने पनि उल्लेख गरे।
द्वन्द्व लामो समयसम्म गएमा भने वैदेशिक रोजगारीमा समस्या आउने, विेदेशी मुद्राको सञ्चितिमा ह्रास आउनसक्ने, आपूर्ति श्रृंखलामा अवरूद्ध हुनसक्ने गभर्नर पौडेलले बताए।
कार्यक्रममा उनले अहिले कृषि ऋण पर्याप्त गएको नदेखिएको र भनिएकै क्षेत्रमै कर्जा नगएको देखिएको बताए।
उनले थपे, 'बैंकले दिने कर्जा गरिबी निवारणमा ठूलो सहयोगी हुन सक्छ। तर, भइरहेको छैन। बैंकहरूले सम्भाब्यता भएकै क्षेत्रमा लगानी गर्ने हो। कृषिमा सम्भावना पनि छ।'
प्रविधिमा गरिने सुधारले पनि यस्ता क्षेत्रमा समेत कर्जा जाने अवस्था बन्ने पनि भएकोले त्यसतर्फ राष्ट्र बैंकले काम गरिरहेको पनि उनले बताए।
रासस:
